மனம் கவர்ந்த பாடல் மூன்றாவது

வருந்தாதே மனமே - நீயே
வருந்தாதே மனமே
ஒரு போதும் அவனன்றி ஓர் அணுவும் அசையாதே..
வருந்தாதே மனமே

இரவும் பகலும் மாறித் தோன்றும் முறையை எண்ணிப் பார்
இலைகள் உதிர்ந்து மீண்டும் தோன்றும் நிலையை எண்ணிப்பார்
நிலையை எண்ணிப்பார்...

ஒரு போதும் அவனன்றி ஓர் அணுவும் அசையாதே..
வருந்தாதே மனமே

இன்பம் துன்பம் யாவும் ஈசன் செயலே ஆகுமே
இகழ்ந்த வாயே புகழ்ந்து பேச காலம் மாறுமே
காலம் மாறுமே...

ஒரு போதும் அவனன்றி ஓர் அணுவும் அசையாதே
வருந்தாதே மனமே -நீயே
வருந்தாதே மனமே


சுமைதாங்கி படத்தில் வரும் "மயக்கமா கலக்கமா மனதிலே குழப்பமா" என்ற பாடல்
எப்படி மனதை இதமாக வருடிச்செல்லுமோ அதுபோல் இந்தப் பாடலும் கேட்கும் போது மனதுக்கு பெரும் ஆறுதலாக இருக்கும்.

ஹாஸ்யப் பாடல்கள் பாடும் எஸ் சி. கிருஷ்ணன் ரொம்ப மென்மையாக இப்பாடலைப் பாடியிருப்பார். படம்தான் நினைவு இல்லை.